أخبار رئيسيةأخبار رئيسية إضافيةأخبار عاجلةعرب ودولي

#نازلين_الجمعه_ليه يتصدّر الأكثر تداولاً في مصر

استمراراً للحملات الإلكترونية التي طالب بها المقاول محمد علي جموع المصريين لإسقاط نظام الرئيس عبد الفتاح السيسي، احتل وسم #نازلين_الجمعه_ليه قائمة الأكثر تداولاً في مصر، اليوم الخميس، حيث دوّن رواد مواقع التواصل الاجتماعي عن أسبابهم للنزول.
وكتب محمد نبيل: “علشان حالات مستشفيات الحروق و٥٧ وأبوالريش ومجدي يعقوب، + جمعيات الأورمان ورسالة و…. إلخ، إللي (إحنا) بنتبرع لها و(إنتو) بتشحتوا علينا بيها في شهر واحد بس في السنة (رمضان)، يعيشوا عيشة كويسة بقى في القصور بتاعت مصر ولا إيه؟ #نازلين_الجمعه_ليه”.
وعبّر جمال هنداوي عن قلقه: “المخابرات العامة والحربية والجيش و#محمد_علي، أداة للتنفيذ، يا ريت يا شباب ورجال مصر نخللي الدور علينا، نركب الثورة ونعمل زي الجزائريين والسودانيين، دي ثورتهم عايزين نسرقها منهم، زي ما سرقوا ثورتنا، عرفت بقى بيدعونا للنزول ليه #نازلين_الجمعه_ليه”.
بينما وجهت نورا حمد تغريدتها لجنود الجيش والشرطة: “#نازلين_الجمعه_ليه أخي العزيز جندي الشرطة المحترم، أخي الكريم جندي الجيش المصري العظيم، بكرة لما ينزل الشعب المصري إوعى تأذيه بأي شكل من الأشكال، هو نازل يرفع رتبتك من بياع خضار على الرصيف في زمن السيسي، إلى جندي مدافع عن أرض الحضارات، فكن عوناً لشعبك وبلدك الله يحميكم جميعا”.
وعن غياب قادة الحراك، كتب نور: “أنا بقى مع إن مفيش قائد ولا خط سير، اللامركزية هي الحل فعلاً.. عشرات هنا وعشرات هنا ومئات هنا وهنا، وممكن قرية واحدة تكون هي الشرارة بجد، وينفرط بعدها العقد.. #نازلين_الجمعه_ليه”.
وتقمّص محمود شخصية السيسي: “علشان إحنا مش فقرا قوي، إحنا مسروقين قوي، إحنا بتحكمنا ناس جهلة في الاقتصاد قوي، مصر إللي سيدنا يوسف قال عليها خزائن الأرض، مصر غنية قوي يا #سيسي، محتاجين حد بيفهم يحكمنا، مش حد يشحت بينا – عاشت مصر حرة #نازلين_الجمعه_ليه”.
وكتبت مي درويش: “#نازلين_الجمعه_ليه؟ عشان في ناس اتفحمت في محطة مصر، علشان مكانش في فلوس نطوّر السكة الحديد، لكن في فلوس نبني قصور”.
وشاركت روفا أماندا: “لما الفقير زاده فقر، والغني يكوش وبيحوش لبكرة، ونااس بتاكل م الزبالة وناس في البلد عايشة عالة، وناس يا عيني عايمة في الأمراض والمستشفيات زبالة #نازلين_الجمعه_ليه”.
وفي دعوة للتوحد كتب محمد عارف: “لازم ننسى اللي فات ونتحد، كل الفصائل والمعارضين على كلمة واحدة، وهي إعلاء كلمة الوطن والوطن فقط، ننسى اننا إخوان مسلمين أو ليبرالي أو من 6 إبريل أو يساري، نتجمع كلنا ناخد بثأر من ضحى بحياته في القبور، ومن ضحى بحريته في السجون، وننقذ مصر من الأفاقين والفاسدين #نازلين_الجمعه_ليه”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى